Helburuak

HELBURUAK:

1. Dokumentazioaren berritzea.

 Komunitatea osatzen duten kide guztien parte-hartzearekin, ikastetxaren nortasuna zehazteko, bultzatzeko eta defendatzeko.

2. Kohesio pedagogikoa eta lidergoa

Kohesio pedagogikoa lortzea, lidergo pedagogiko eta hausnarketa eta lanketa bateratu baten bitartez, irakaskuntza prozesua eta emaitzak hobetzeko.

3. Berrikuntza eta etengabeko hobekuntza

Etengabeko berrikuntza prozesua abiaraztea, indargune eta ahulezi pedagogikoak identifikatuz, irakaskuntza prozesua hobetzen jarraitzeko.

4. Curriculumaren bigarren zehaztapena

Indarrean dagoen curriculumaren bigarren zehaztapena idaztea, irakasle taldearen arteko erabakien eta dinamiken bitartez, ikastetxearen oinarri pedagogikoa izateko

5. Oinarrizko konpetentzien integrazioa

Azkenengo urteetan proiektuen bitartez landu diren oinarrizko jakintzak eta konpetentziak landuko diren curriculumean integratzea, Ikastetxearen Curriculum Proiektuaren garapenaren bitartez, ikasle guztiek zeharlerro bezala lantzen dituztela bermatzeko.

6. Irakasleen etengabeko prestakuntza

Irakasleentzat epe ertainera begira gauzatuko den prestakuntza plan bat diseinatzea eta gauzatzea, irakasleen beharretan oinarritutako hitzaldiak eta lanketak eginez, euren gaitasunak hobetzeko eta profesionalizatzeko.

7. Euskara eta nortasun kulturala sustatzea

Euskaren erabilera eta maila hobetzea, Hizkuntza Proiektua eguneratuz, Hizkuntza Trataera Bateratua aplikatuz eta euskal kulturan oinarrituz, ikastetxeak beti izan duen nortasun euskalduna indartzeko.

8.Sareak eta kanpo lankidetza

Arratia, Euskal Herria eta Europako eragileekin sareak sortzea, sinergien onurak ikastetxera ekartzeko.

9. Ingurune lokalarekin lotura

Udalarekin eta Lemoako eragileekin harremana sendotzea, gure ikastetxeak beti eduki duen hurbiltasuna berreskuratzeko.

10. Gardentasuna eta barne komunikazioa

Informazioaren transmisio egokia egitea, mekanismo ezberdinen bitartez, gardentasuna lortzeko eta hezkuntza komunitatearen atxikipen sentimendua indartzeko.

11. Azpiegiturak eta baliabideak

Ikastetxeko azpiegiturak hobetzea eta material berriak erostea, diagnosi batean oinarritutako eskaerak eginez eta proiektuetan sartuz, era eraginkorrago batean lan egin ahal izateko.

12. Komunitatearen parte-hartzea

Komunitatea osatzen duten kide guztiak inplikatzea, hainbat dinamika eta foro antolatuz, pertenentzia sentimendua handitzeko.

13. Jasangarritasuna eta Agenda 2030

Ikastetxe jasangarria izatea, Agenda2030 proiektua era sakon batean garatuz, ingurumenean eragin positiboa izateko.

14. Digitalizazio arduratsua

Digitalizazio jasangarri eta arduratsu baten aldeko apostua egitea, plan digitala oinarri izango duen berrikuntza digitalaren bitartez, komunitateko kide guztien gaitasun digitala hobetzeko.

15. Jantoki zerbitzua

 Jantokiko zerbitzua hobetzea, zenbait kudeaketa mota aztertuz eta indarrean dagoen enpresei minimoa baino gehiago betetzea eskatuz, ikastetxean bazkaltzen duten ikasleek kalitatezko zerbitzua jaso dezaten.

16. Etapen arteko lankidetza

Etapa ezberdinetako irakasleen arteko harremana eta elkarlana indartzea, beharrezkoak diren ordutegi eta antolakuntzarako aldaketak eginez, etapa ezberdinetako irakasleen arteko lanak sortzen dituen sinergiak aprobetxatzeko.

17. Ekintza osagarriak

Ekintza gehigarri egokiak aukeratzea eta ikasleekin erabiltzea, curriculumarekin lotura zuzena izan ahal dituzten txangoak, hitzaldiak eta ekimenak ondo aztertuz, ikasleek gelan euren irakaskuntza prozesuan zehar eduki ezin duten input hori orekatzeko.

18. Bizikidetza eta prebentzioa

Elkarbizitza eta bizikidetza ildo estrategikoak maila eta talde guztietan lantzen direla bermatzea, Ikastetxeko Curriculum Proiektuan zutabe gisa txertatuz, prebentzio eta probentzio lanaren bitartez egin beharreko esku hartze puntualak murrizteko.

19. Ebaluazio konpetentziala

Ebaluazio konpetentzialari buruzko sistema berri bat osatzea, irakasleei formakuntza emanez eta Ikastetxearen Curriculum Proiektuaren barruan egin beharreko zehaztapenak eginez, ikasleek etengabeko ebaluazio objektiboa, hezigarria eta formatiboa jasotzeko.

LEHENTASUNAK:

1. Euskara eta euskal kultura 

Euskara erabilera, maila eta kultura indartzea testuinguru eleanitz batean, haren presentzia ikastetxeko arlo guztietan sustatuz eta euskal identitatea sendotuz.

2. Berrikuntza pedagogikoa eta Ikastetxeko Curriculuma 

Hezkuntza‑berrikuntza eta Ikastetxeko Curriculuma diseinatzea bultzatzea, ikasleen gaitasun‑profilan oinarrituta, irakaskuntza‑prozesuak eta emaitza akademikoak hobetzeko.

3. Hezkuntza‑komunitatearen inplikazioa 

Hezkuntza‑komunitateko kide guztien parte‑hartze aktiboa sustatzea ikasleei eskaintzen zaien zerbitzua hobetzeko, ikastetxeko esparru guztietan.

4. Planifikazio estrategikoa 

Zuzendaritza‑taldeak lau urterako planifikazio estrategikoa egingo du ikastetxearen helburuak eta lehentasunak garatzeko. Zuzendaritza‑proiektu hau ikastetxearen marko orokorrean, hau da, Hezkuntza Proiektuan, oinarrituko da.